وااا حْليمه...

زجلية عنيدة من ديوان __وجع لمداد__ فصل (صيف لكلمة)

وااا حْليمه...
واش النّْهار راح
ؤلا ح الشوق في لقبايل
بكا وفرح
وتگاد الشطيح
في خلا  النواح.
وااا حليمة
الشوفة مكسورة
بين الضر لهاني
وبين لفرح لمغدور
في اللسان الطواح
واااحليمة
يا مليحة لكلمه.
كُلَّا وملحو ؤ سكرو
ياك اتاينا ذاقوه
و طعامنا صدقناه
قبل الرّْواح.
واااا حليمه
يا فريخة الصبر
ولون الجنانات
تجف الدنيا بدم
لهوى والروح
وتبقى لكلمة
كاس لملاح
الدنيا غادا
الخيل عادا
الجهد مكسور
لغمام يلوح
السّْما باكية
وشاهدة
على للِّي كانو
في لمداد
سُوَّاح....

    القاسمي فؤاد البياز