الاديب عبد الستار الزهيري
فدوة لعيونچ يا مرية
لابسة الشيلة السودة
وتوزع على الأبطال حلاوة
ما تخاف الدخان ولا مية قنبلة
تنادي أبنها وتگول ..
يا يمه وينك ..
أچيت أشوفك وأحني بشوفتك عيوني
يا بعد أبوي شرد أگول
من شفتك بين أخوتك تصيح
"لييك يا عراق"
الگلب انشلع من بين الضلوع
وعيوني بدموع الفرح أمتلت
آه .. يا يمه
لا ترجع يا ولدي
إلا وأنت جايب النصر
وتصيح يمه انتصرنا
ومن على جبل أحد ( المطعم التركي)
نادى المنادي
حي على النصر
بغداد يا يمه اليوم حرة
حني چفوفچ يمه
ولعيونچ أروح فدوة يا مرية
بقلمي
الاديب عبد الستار الزهيري
