للأسف

للأسف ..
محمـد عنانى

=================
حب الوطن أصبح جريمه للأسف
صَبَح كِتير يِتداَرى منها وينكَسف
يمكن مُخِلَه بالشرف
ولا صَاحِبها عَقله تاه ولا انحرف
ومن الحياه وم الوجود دا إِسمه لازم يِتحَذف
وجوه بير ف شوال نحطه ويتحدف
أما اللى خان
ليه الحَصَانه والأمان
ياخد نيشان
وعليه تلاقى العِز بَاَن
ممكن كمان ياخد وسام
هوا كدا يِبقَى الكلام
أصله مُنَاضِل ثَورجى
وف الأساس تِلقاه عَوَاطلى وبلطجى
لَخبَطوا كل الحقيقه
عَندهُم مِليون طريقه
ألف كِذبه ف الدقيقه
قَاَلوا الوطن وَحش وخطير
يَاكُل ولاده م الصُغَير للكبير
عنده قصور مليانه ورد وفرشها كله حرير
واحنا الغلابه كلنا قاعدين ياعينى ع الحصير
وعِيشتنا سودا ووضعنا صَعب وحقير
وكمان عشانا زعلانين بيحلموا لنا بكل خير
وتبان نفوسهم طيبه يَعنى وبريئه
مع إن فيها كِتير سواد ونفوس مَريضه
عاوزه تِوَلَع ف الوطن كُله بحريقه
تَوِهوا عقول البشر
من كُرههم نَطَقوا حتى الحجر
حب الوطن فِطره سليمه
والكره يِبقَىَ ف الأساس هوا الجريمه
==================
( محمـد عنانى )