تذكار
كتبت تذكارعلى باب الدار
إلك يا وليف الروح
وقت تعود تشوف همس حبي
مدون بدمع الجفون
وفيه ريحة الحنين
وغصه تحرق القلب بجمره
تذكار يحكي لكل المعموره
عن عاشقة بحبك مجنونه
غفت على كلمة من شفايفك
وعلى لمسة من إيديك
وبغفلة ضاعت الأحلام مع الأماني
برحيلك يا نظر العين
رحلت وما سألت
غريبة بدياري والقهر عبى جراري
لا جار سأل ولا رفيق عن حالي
وحيدة مع طيفك أضمه لصدري
وعلى ذكراك اغفى مثل السكرانه
شربانه خمرة الفراق وكتير هالاقداح
صرت مثل الغريق بالبحر بالإعماق
ما حدا سمع آهات روحي
أهتز الشوق بالقلب وحيرانه
كيف الوصال يكون
والحبيب غافي بعيد
صرخت وتمنيت يرد الصدى
والصدى أنتسى
والعمر ضاع ناطر الوعد
و الوعد غاب ما فيه وفا
راحل هالقلب وتارك تذكار
وقت يعود محبوب القلب
يشوف حروفي تزين الدار
مليانه حب وحنين وتعانقه بالأشواق....
بقلمي ✍️ عفراء الجوراني 2021/9/10
