نبيل محمدغيبور
رثاء أم شهيد
ياخالق الكون ...ولدي بالقبرنايم....
ودموعي شلال...
حزن وقهر....
تراب الوطن كلو قداسة....
ودم كبدي عيسى
زادت قدسيتو طهر....
بأول شبابو....وجه القمر...
قدمتو للوطن الغالي مهر....
ومشيت حافية على الجمر...
صرت نخلة شامخة..
لكن مش حاملة بلح ولاتمر....
مافيني احبس الدمعات...
مشتاقة أضمو وأغمرو غمر....
بتهون عليي مصيبتي
لما بتذكر أخوه محمدالدرة...
وزنودوا النحيلة السمر...
كيف اغتالتو بارودة عهر...
وكل سلاحو كان عشق الوطن
ونتفة حجر...
بتهون عليي مصيبتي لما بتذكر
مجازرمطارالطبقة والدير وجسرالشغور
وعقارب والمبعوجة....حتى السما لبست الأسود وناح عليهم البدر....
مجازربأيدي كل صلاتها كفروعهروخمروغدر....
أنا رواء أم الشهيد....عمري ماحبيت الثأر....
مع أنودم كبدي الشهيد عميفرزلي من ضريحو أزكى العطر....
والله لوماحكيت بموت من القهر...
أصلا...أناجثة هامدة بيناتكم
وشوفايدة الجثة وقلبها بهاك القبر....
خلي هالدمعات على ذكراه تنسكب
وبركان حنيني ينفجر...
أمانة عليكم
إن زارني الموت....
تدفنوني بنفس القبر...
يمكن نلتقي بجنة كلها حياة...
وننسى حياة كلها خيانة وغدر....
اللي بيعزيني...
بانت بيارق النصر....
ودم عيسى كبدي الشهيد
ماراح هدر...
ماراح هدر....
عيسى ياإبني إنت حي....
وأنا الموجودة بهاك القبر
)نبيل محمدغيبور(رثاء أم شهيد
