القلب الخوّان

القلب الخوّان
-----------
بقلمي - عادل عبد الرازق
------------------------
وشّك مقطوع
نص ليّا ..
ونص ليكي
مدول التقاطيع
بيكبّ ملامح
وبدون تفاصيل
ومواسم غربة ف غناويكي
بتدمّع لسماعها عينيّا
إفردي كفّك
يمكن أقدر أقرا وافهم
يمكن يصالحني النور
عصفور من يومي ومسجون
ولا مرّة اتحنيت بحقيقة المحظور
من يومي ..
على الشجرة عصفور
أنا طيّرت حمامة من قلبي إليكي
رجعت بجناح مكسور
ماعرفش ده قدر ولاّ ..
قلبك يا حبيبتي مغرور
إرميني لبعيد
على طرف حقيقتك من تاني
طهّري روحب
طهريّ فلبي من أحزاني
أنا دوايا..
مرّ يا حبيبتي ومرير
تعبت ياما
ةاتغرّبت كتير كتير
من يوم ماعشقتك
بل من أول يوم فيه انا شوفتك
وانا ف عشقك ولعشقك أسير
قرّبي كفك من كفّي
كل احتمالات دروبنا سراب
إياكي تكدب شفايفك
وغريب الليل ما يلاقي الباب
إتنفس يا قلبي..
إجلم ..
طير
جرّب كل دروب
جرّب كل المشاوير
إوعى تخاف من أي نهاية
إوعى يخومك أي مصير
علّم نفسك تبدأ
من غير أي هزيمة
يا قلبي ولا تتعب نفسك بالذكرى
حتى لو كل الذكرى أليمة
خانت حبيبتك؟
ماهي ألف مرّة خانت
ولا هنت عليها
ولا دمعتك عليها هانت
كدبت ضفايرها ..
من أول لؤا كان بينّا
خدعتنا طفلة ..
واتاريها كانت شيطان
وأه ..
ألف أه يا قلبي من ضيق الحيطان
بتزمّ على ضلوعك
ولا متحمّل زيك إنسان
إتبعتر
إتنتور
وابعد عن ذكراها
وانسى معاها كل مكان
ما هو ذنبك إنك صدقت كلامها
وانك حبيت القلب الخوّان
         ***