: يا حي ّ ( بالمحكي )
وقفتْ حدو أنوارها مضوية
عم بتلالي أحلى من وردة جورية
سألتو يا حيّ :
ليش عيونك دامعين ؟
عم بيقولوا فيه عيد
خلي أنوارك والعين !
جاوبتْها عتبات الدور
كأنو ماسمعت الست بدور ؟!
أي سمعتْ : العيد إجى بموعدو
لا تأخر
ولا خلف وعدو .
إي ه ه ه
يلي متلك كتار
مابيعرفو شو جرى
و شو صار
ما همن من العيد
الإ ضحكتو
ولا شو ضحى هالحيّ
تتعم فرحتو
سربلت ْ دموعها الأبواب
بلحظة غادروها زينة الشباب
وليم وعلي وعبدالله وحسين
إما على السما طالعين
يما بالفلا مستوحشين
يما بسوط الأسر مجلودين
يما بالعلة عالقين
ويما... ويما... ويما
امسحي دموعك يا يُما
يعرفوا بغيابن بيقهرونا
كانوا ضلوا هون عنا
هو الوطن سترة
كل أصيل
وبالخيانة
تستر كل ضمير عليل
هن راحوا ليجي العيد
والعيد وراهن صار بعيد
#نرجس_عمران
سورية