♥♡♥صرخه♥♡♥
كفايه كده يا دنيا عناد
ولحد أمتي قافل الباب
غريب ما بين أهل واحباب
خلى الفرح يدق الباب
ليه واقفه بالمرصاد
فرقتى ما بين كل الأحباب
وقطعتى الحبل مع الأصحاب
كفايه يادنيا وحنى علينا
خليتى الندل يعلي علينا
ليه الفرح يغلي علينا
لما مفيش حاجه فى أيدينا
يعنى تهونى ع الغلبان
ولما مفيش فى ايديه المال
صوته بيخفى ويدوب دوبان
سبحان مغير الأحوال
حملك كله ع الغلبان
وياما فيكى ضاع جدعان
كفايه تعبنا من الأوهام
حتى الصرخه فينا مكتومه
وكتير ناس عايشه محرومه
حملك دايما ع المسكين
وفيكى كتير عايش مظاليم
حنى يا دنيا وهونى كفايه
صرخة قلب مات جوايا
بقلمى/نور الحمصانى
