كورونا
كورونا..
كورونا دوّختينا..
بضربة كبيرة ..وجعتينا
قصفْتِ الروح..شلعْتِ القلب
صدعْتِ الراس ..هزمتِ السرب
وما تركتِ فرحة فينا ..
شو أنتِ..مين أنتِ..يا كورونا
بمشفى جبلة ...الاستنفار
الجيش الأبيض..نفض و ثار
تحدّاكِ بشعلة من نار
استقوى بالباري الجبّار
تلطّفْ فينا ..يا ستّار
وما نهابِك ..يا كورونا
الحكيم الراقي د.قصي
شمس..وفَيْ...ورُقيا و ريّ
يا خوفي ع الناس خطي
أنتو عيوني..أنتو الضّي
بعتمة حلّت غطْش..و غيّ
روحي انقشعي ..كورونا
كورونا ..خطفْتِ الأحباب
شو خلعْتِ ..وكسّرْتِ بواب
حيّرْتِ نفوس وألباب
شرّدْتِ عوائل ..وتراب
تركْتِ الناس مهبّ الريح
من قهر نثرْتِ فيها
يخرب بيتك ..كورونا
يا ربي ..عفوك يارب
حطّيت العلة بهاالقلب
وحدك قادر تشفي الصعب
وترفق بعبادك..فينا
بيكفي حروب تمرجحنا
بيكفي ذنوب ..وكورونا
كرهنا الليل وسهراتو ..
والميجانا والدلعونا ..
حاج بيكفي كورونا ..
أنتِ الحلوة المزيونا
بس حلّي عنّا ...كورونا
تغريد الخليل