محمد عزو حرفوش
.. محكيّة..
.. عتبان..
دابت عيوني والقلب سهران
ونبضات عم تبكي عَ أبوابه/و.
غاب الوليف والعمر ضجران
ناطر شبابيك الروح بغيابه/و.
كلّ الورد من يومها دبلان
غافي بين السطور بكتابه/و.
شو مشتهي يرجعلنا نيسان
مخبّا بخور وعطر بتيابه/و.
يوقف ظلم الإنسان للإنسان
يرجع للحلم الضايع شبابه/و.
نصحا على زمان غير الزمان
يلتقوا فيه كلّ اللي غابوا.
ياريت كلمة صارت ع كلّ لسان
صبح ومسا تَ نشّف لعابه/و.
يارب بندهك وكلّي إيمان
تنهي الظلم وتزيل أسبابه/و.
.. محمد عزو حرفوش..