- بقلم محمد البلاط
منين ولفين سكتنا
منين ولفين سكتنا ودنيتنا ضباب فى ضباب
وقطر العمر راح فاتنا وضيعنا صبا وشباب
هنعمل ايه فى الحاضر ويعلم الله باللى جاى
وايه يجبر الخاطر فى ايام ما ليها زى
تعبنا وتعبت قلوبنا وشاب الشعر وشيبنا
ليه الحظ مخيبنا وقاطع من طريقنا الضى
منين ولفين سكتنا ودنيتنا ضباب فى ضباب
وقطر العمر راح فاتنا وضيعنا صبا وشباب
ليه العدل ملوش مكان والالوان بقت واحد
يعيش الندل واللى جبان يموت العابد الزاهد
طريق الشوك للصالح وللطالح طريق بالورد
ويشرب كل شىء مالح وبيعدو عليه الفرض
هموم ابوابها مفتوحة ولا بالصبر يوم تتسد
يقضى ايامه فى نواحه و للضكحة بحبل يشد
لا لاقى الفرح يوم فيها وعشمه الله يجليها
ويرفع شان الطيب وللظالم يهده هد
منين ولفين سكتنا ودنيتنا ضباب فى ضباب
وقطر العمر راح فاتنا وضيعنا صبا وشباب
منين ولفين سكتنا
بقلم محمد البلاط
