: بقلمي الشاعر جمال زكى عينر
( آه ياربت كان لي جناحين ) :
لما تعرف انك انت
جار عليك الناس كتير
لما تلقى الدنيا خدعة
ارض و مترشقة مسامير
لما خيرنا يبقى بدعة
واتنزع منا الضمير
لما الميه تبقى ولعة
والطيب مابقاش امير
والقرية صبحت مدينة
والصعلوك أصبح وزير
لما يبقى اقرب ما لينا
بيفحتوا لنا ف الف بير
كل ده ومفيش في ايدينا
اي إمكان للتغيير
طب نروح يارب فين ؟
انت حسبي والنصير
آه ياريت كان لي جناحين
كنت أهيم في الفضا واطير
بقلمي الشاعر جمال زكى عينر
