رفعت خوري
حلمي لل2020
كل عام وانتو بخير
Happy 2020
حلمي تنتهي الحروب ......يخرس مدفع تَلّْتنا
يرحل دخَّان البارود.....والورد يزَيّْن حقلتنا.
ترجع بهجة عيشتنا......والحب يطَهّْر بشرتنا
ونعود نجدد ألفتنا......نتبع تعليم ديانتنا
نرجعْ للبيت المهجور......وللضيعة اللي ربتنا
والجار يعود لجيرتنا.... نرفع بالعالي رايتنا
نغني ونجَدّْد فرحتنا......وتزيد البركة بديرتنا
التوينة تنقور طوب التين..وتزقزق ع شجرتنا
الدوري يرفرف ع وردتنا.....وعش الشحرور بديلتنا
حمامة تعشعش بطاقتنا......ستيتية تعيش عَ سقيفتنا
واليمامة ع البلكون......تغني وتفرفح عيشتنا
نشلا نسترجع الحقوق......وِ عّْم الخير بضيعتنا
ونشلا أيد الرحمن......ترد الأمن بليلتنا
ويفَتّْح زهر الياسمين......بالشام اللي حضنتنا
وتنورنا شمس الحق......وِ عودوا الهجروا تربتنا
ويرجع للأرض الفلاح.....يصون ويزرع حقلتنا
ياريت يعود الإنسان......لنفوس اللي خربتنا
************
طَبّْق أحكامك يارب......واقطعْ أيد ال قتلتنا
وافتاح بواب الجنة......للي صانوا كرامتنا
للي دافع عن أرضو......وللي حميوا كرامتنا
للي غرقوا بعرض البحر...... للي رواحون هجرتنا
للي عانوا قتل وقهر......وذكراهم قَوّْت وحدتنا
رفعت خوري
إسبانيا
