#سيف_الأعظمي*...(الدليمي)..
... / الحزن جيران / ...
^^^^^^^^^^^^^^^^^^^^^^^^^^^^^^^
يرافگنه الفرح والحزن جيران
وبيوم الفرح ينشد قصايد
لصدگ حزن .. غيث الفرح ذاب
وبعد هيهات ميصوغ الگلايد
ولصدگ حزن ميراود إنسان
طلع طماع ما يكفيه واحد
وحكموا عالفرح حكام ال اتراح
بسم الدين وانواع العقائد
ميجوز الفرح كالوهة بالدين
إذا جذاب فز شوف الجرايد
تلگاها بدمع ومخضبة أجروح
وشوف اشجم قتيل البيها شاهد
ونظر للحكومه تحارب الناس
بسم الدين والإرهاب واحد
ليش انسانا بالرخص ينباع
وما عاد اعراقنا يسمونه ماجد..؟
وتفرهد عراق الخير فرهود
وحطوا للنهب نهج وقواعد
ما ظلّت شهامه وغيره يا صاح
باعوا هالوطن لاجل الفوائد
#سيف_الأعظمي*...(الدليمي)...
