جواب على رسالة

محمد عليوي فياض المحمدي

صديقي عمّار الحمداني بعث لي فيديوات وصوراعتزازا بصداقتي فارتجلت له هذه القصيدة

جواب على رسالة

يعمّار الشّرار ايفجّر الاحساس
وايقوّي القرين او يدعم الوسواس

افضالك او طيبك مالهن مقياس
يل ترسل العمّك صور احلا النّاس

اعيوني اتشوف لسّه اويلعبن بالرّاس
والشّايب ايعوّر بالشّعر لو داس

او عدنه اكلوب تنبض والعرك دسّاس
اخاف ازلك واطيحن مثل ابن فرناس

او تالي العمر اعلن حالة الافلاس
وانا كبلك جنت فركاس ماينجاس

عليش اوياي حيل اتعيل ياابن النّاس ؟
وانا ابربعي عكيد الخيل والفرّاس

ثجيل الرّوز تمشي ابذروتي الحرّاس
ابظهري اسباع لا تفعل فعل جسّاس

كف عنّي شرارك دخّن الاحساس
اخاف الفاس من تفلت تكع بالرّاس

لحد هذا اوكلت سامحتك او لا باس
العمر حرّم على المثلي اللعب بالسّاس

ولا وكت الطّبل بالجوبي الزم راس
علي لا تجمع الوسواس والخنّاس