... / الفاطميه / ...
سيف_الاعظمي*... (الدليمي
^^^^^^^^^^^^^^^^^^^^^^^^^^^^
ادورلك عشگ ما عشگته الناس
ودورلك حضن مليان حنيه
يل علمني غزل ما كتبته الناس
تره بعده الحضن بي ريحتك هيه
تعال يا بلبل صبح يغرد إحساس
تعال اسكن گلب ما يعرف إبنيه
تعال يا ليلة حنين وگل للاشواگ
ويامن لك عشگ ما متلوث ب نيه
تعال وطيب اجروحي بحچي الياس
وبوسه طفل ما تعرف الكيفيه
عشگتك مو شكل لا ابد لا والله
عشگتك لچنه بيك أخلاق الفاطميه
وعشگتك للجمال إلي ملين الفاس
وللمحاسن والترافه اليوسفيه
عشگتك مثل عشگ زينب للحسين
وعشگتك يل الطهارة المريميه
وعشگتك مثل جسر الأئمه لليزورون
وعشگتك مثل عشگ الكاظميه
وعشگتك مثل عشگ العسكريين
وعشگنك عشگ فاروق وحيدرية
وعشگنك للابد غصبا عله يحچون
وطب بعين الخسيس لراد الطائفية
وذا نصبت كربلا موكب للشهيدين
تتسابق للشرف عليه الاعظمية
ومستعد اضحي بكل غالي وثمين
حته بمشيتي أواسي الجعفرية
#سيف_الاعظمي*... (الدليمي)...
