GuidePedia


Christine Frem

قلي بعد عمر طويل وملقى من بعد سفر:
رح احملك عا جناحي
وطير
 متل شي طير خطير
واخدك عا أطراف الدني
وخلي بلهيبي يشعل النور
وحبي لي كان
يعود يعيش
 يضوي المعمور
يلا نعيد الذكرى
يا نور
والفكرة لما راحت
من البال
كنا نلعب سوا
نعني قصايد
حد الدلبي
بهاك العرزال
قلت والدمع مالي عينيي:
خدني حبيبي غمرني
 ما بقى فيي
شرياني انت
والقلب عا البعد محروق
لهب كياني
 خود من قلبي دوق
انت يلي عبالي بتجي
والي بتروق
مرجعلي احلامي
خدني وطير
وخليني معك
ما بمنعك
كمل معي المشوار
ولنو شي نهار
مني وباختيار
ما رح امنعك
وقعني عن جديد
انا منك بريد
تاخدني معك
ولله وحياتك
ما رح امنعك
 
Top