لغتي في حبك ذاتية

‘‘‘‘‘ لغتي في حبك ذاتية ‘‘‘‘
إسماعيل هريدي

       لغتي في حبك
       كلام إحساس
    مش كلام وخلاص
   وسلام سلام ..... وتحيه

      كلام من قلبي
      لا فيه تصريح
         ولا تلميح
        ولا تجريح
          ولا أذية

    وأن حبوا الناس
       بالعدد واحد
  أحبك أنا بالعدد 100 ( ميه )
    و 100  في *  100
     راح أكملها لألفيه

   وأحبك بكل اللغات
  واللهجات إللي مش مكتوبه
     لكن معروفه ومحكيه

     ولغتي في حبك
        مش خرساء
   لكن حروفها مخفيه

      لا هي فصحى
       ولا عاميه
        لا تتقري
       ولا تتكتب
   ولا يدرسها أفنديه

      لغتي في حبك ذاتيه
        لا تتقال بالكلام
  ولا تبدأ باليمين أو بالشمال
    لكن ...... تبان في عنيه
        لما أسمع إسمك
   وأرووح لبعيد في دنيا تانيه

      كتبت كتير مع نفسي
    ما بين حيرتي وبين يأسي
   ولما أشوفك يتوه حرفي
      كأني كتبته عل الميه

    متسألنيش بتكتب إيه
        كلامي فيكِ
       لا هو..... أشعار
        ولا حكاوي
    ولا حبكة صنايعيه

  كلامي فيكِ بالإحساس
         والإخلاص
    وطيبة النفس والنيه
......
تسلموا.....
  إسماعيل هريدي  2018/12/16