رقصة أخيرة

رقصة أخيرة
----------
بقلمي - عادل عبد الرازق
--------------------------
أرجوكي ترقصيلي
رقصة أخيرة ونفترق
يمكن يكون أخر لؤاه
أو بداية مفترق
...
رقصة أخيرة
وامشي أنا من طريق
وانتي تمشي من طريق
وأحب تاني
وتخوني تاني
واكره دنيتي
واتنازل عن زماني
واتزل بحوري
واتمنى لقلبي الغرق
...
شمس المدينة غيّمت
مش يالاّ نبدأ رقصتنا
قبل ما تنزف دموعنا عاللي راح
وتسكن عينينا دمعتنا
ونندم عالحب اللي مات
والعمر اللي منا اتسرق
...
رقصة وداع هىّ اللي بينّا
وحننتهي
وحتهزميني زي كل مرّة
في مطرحي
وتكتبي نهايتي بإيدك
سطرين فوق الورق
...
أرجوكي ترقصيلي
رقصة أخيرة
ويالاّ ننهي
قصتنا الكبيرة
كل اللي حسيته تجاهك
إتحقق وصدق
...
وداع يا كل الدروب
وداع يا كل البيوت
إرقصيلي الرقصة الأخيرة
وسيبيني وحدي أموت
         ***