بتوحشنى
وانت ف حضنى / احس انك بتوحشنى
ساعات تبعد / الاقى البُعد يجرحنى
ونارالهجر ليه توقد / دى نار هجرك بتدبحنى
وليه بتغيب عن الموعد / ومن عقلك بتمسحنى
تبكينى ؟فهل تقصد ؟ / وليه مش راضى تسامحنى
على بُعادك مستحيل اصمد / كتير قربك يفرحنى
وترجع تانى توحشنى / أقول يمكن بيتدلع
ياخُدنى الشوق على بابك / ودقات قلبى بتولع
يدوب القلب فى عذابك / ويتراقص ويتمتع
ظروفك ايه ؟ واسبابك / وشوق فى قلبى بيقطع
وروحى تتوه فى اهدابك / أنا الصامت وبتوجع
ورغم عذابى توحشنى / وابكى والدموع امطار
اتوه بين النهار والليل / ودمعى ع الخدود انهار
فى حبك قلبى شاف الويل / حزين نغمى مع الاوتار
وايه ذنبى وقلبى لك بيميل / وقلبك ليه قاسى وغدار
يفوت الليل عليى طويل / واكتم عنك الاعذار
واخلاصى والله مالو مثيل / هاحبك لو فؤادى انهار
ونظرات عينى تفضحنى / ياقاسى كتير بتوحشنى
شعر أحمد اسماعيل / شاعر العرب
