احبتي اسمحوا لي الليله
ان يكون للشعر الشعبي
العراقي حرفه بالمؤسسه
ددددددددددددد
مشتاگلچ شوگ الجرف
للماي لو جف النهر
يل غبتي عني وداعتچ
ذبلهن اعيوني السهر
والشيب غطاه الرمش
ماظل بعد بيهن نظر
وامتاني جيتچ ماتبت
كلساع اطلعلچ عذر
كل يوم اگولن هم تجي
واتعود يم داري وتمر
الزمن من رحتي وگف
وانطبگ ليلي اويه الظهر
والبيت وحشه ابلا ضوه
من غبتي مامر بي گمر
من اوصل ال بابي انقبض
دفان چن حافر گبر
وجَنّازه اشوفنهم اجو
يردون تشييعي الفجر
وابخوف اغمض جفنتي
وادعي الله اظلن للعصر
بلچن تمرين ابحلم
ماظل وكت بيه العمر
الشاعر صالح الجابري
