نسامحك موحال.12/4/018
اه عليك ياقلبي
التعميتي
ماسمعت كلامي
شبابك ضيعتيه
مابغيت تنسا
امصاحب
همي وتخمامي
طول الليل
تبكي وتنوح
ا لعيون
بالدمع فاضت
تبات تسيل
كثرت احزاني
تقطعت اخباري
فين هما احبابي
هجرت دواري
مالك هبيل
تفكرني في عدياني
الناس تقلب على الدم
بالشمعة والقنديل
وانت سيحوك
عند بالهم جيحوك
في روضة
منسية دفنوك
برد ليعتي
انداوي جراحي
نكمد اسراري
نجمع طرافي
راضي ب أقداري
يجي يوم
تجف لقلام
يتقاضى المداد
يغيب الكلام
الهيه الميعاد
دواك الصبر
الميزان يعبر
الخير والشر
الفايز يسكن
جنانات الزهر
من كل اشكال
يتفاجى الحال
نسامحك موحال.
بقلم محمد البراقي الحسناوي
