غمراوي وماشي
كده في حالي
شقيان وبجري
علي عيالي
في شغلي دايما تلاقيني
بدعي ربي يقويني
ويكتر دايما اموالي
واربي ابني ويتعلم
ويكمل سيرة اعمالي
ويبني في بلده ويعمر
ويقولو عليه ابن الغالي
وابن الاصل زرعه يكبر
والندل زرعه شيطاني
وابني دايما يخدم اهله
والندل يبيع في اوطاني
لو يوم حسيت رزقي أتأخر
اقول سبحان من خلاني
الدم يجري في شرياني
والقلب يدق في ثواني
والبكرياس مع السكر
قصة يعرفها اللي يعاني
ونعم ربي لا تحصي
ربنا ابدا مش ينساني
لما احمد ربنا بيزدني
ويبعد عني شيطاني
وبذكر الله قلبي اطمن
لو انساه نفسي تنساني
رضا ابو شنب
مصر