الله يجازيك
"""""""""""
مين اللى يتم ضحكتك
قبل الأوان
مين اللى خلا دمعتك
تنزل أوام
هى العيون متكحلة
بحزن القلوب
ملعون ياشوق أمتى بقه
مالحزن أفوق
انا ياما كنت بعلم
القلب الكلام
دلوقتى بس بيتوجع
لو داء ملام
كل الوشوش أتغيرت
واتلونت
ما بقتش عارف
حتى معنى الإبتسام
صوت الوجع
بقى أقوى من
صوت الرصاص
مبقتش حاسس
أى معنى م الأساس
ياما نفسى أصرخ
بعلو صوتى وأقول خلاص
انا تعبت من البشر
مافيش أمان
خلاص يا ناس
القلب مفطور م البكى
قلبى الحنين إشتكى
من جرح عمره مايندمل
الله يجازيك
حنان الحسينى
