خاطرة
عن الإرهاب الأسود فى سيناء ( بئرالعبد )
يا سينا
....................................
إوعى تقولى القاتلين مسلمين
إوعى تقولى الشهدا كافرين
إوعى تقولى الخاينين مصريين
إوعى تقولى الإرهابيين بنى آدمين .
---------------------------------
إوعى تقولى إللى هَدَرْ دمى ....
و قتل أبويا وأمى .
وأخويا وخالى وعمى .
وابنى اللى ساجد يصلى .
وغريب كان معدى .
إنه سجد يوم لربى .
ويعرف مِله أو دين .
---------------------------------
عن روحهم قالوا مسلمين .
وقالوا المسيحين كافرين .
وبيوم عيد المسلمين .
إستباحوا دم الساجدين .
وقالوا دوول كافرين .
---------------------------------
واللى قالوا حقوق الإنسان .
ما قالوا القاتلين إرهابيين .
---------------------------------
لجل كام دولار .
هدموا الكنايس .
فجروا الجوامع .
قتلوا العابدين الزاهدين .
وسمونا كافرين .
---------------------------------
بأى ذنب للعابدين قاتلين .
والمقتول شهيد المسلمين .
---------------------------------
يا سينا ....
إوعى تقولى القاتلين مسلمين .
....................................
إبراهيم خليل على الشاعر